SAMAN GETUM VIÐ MEIRA

Inner Wheel er félagsskapur framtakssamra kvenna sem sameinast í vináttu
og fjölbreyttum góðgerðarmálum til handa samfélaginu í heild sinni

International Inner Wheel

Inner Wheel er alþjóðahreyfing sem er upprunnin í Bretlandi. Fyrsti IW klúbburinn var stofnaður árið 1924 í Manchester á Englandi.
Alþjóðlegu samtökin voru stofnuð árið 1967 og við samtökin starfa núna yfir 100.000 félagar, víðs vegar um heiminn.

Inner Wheel Ísland

Fyrsti Inner Wheel klúbburinn á Íslandi var stofnaður 15.mars 1973 í Reykjavík. Klúbbarnir eru núna sex með tæplega 150 félagskonur, en saman mynda klúbbarnir Umdæmi 136 sem er yfir íslensku klúbbunum. Inner Wheel umdæmið á Íslandi var stofnað í nóvember 1987.

Málefni

Hver klúbbur hefur frjálsar hendur með það á hvern hátt og hversu víðtæk þjónusta þeirra verður. Vinátta og alheimsviðhorf koma fram í keðjuverkun Inner Wheel, sem tengir saman klúbba ólíkra landa með gagnkvæmum heimsóknum og samskiptum félaga.

Hvað er Inner Wheel?

Inner Wheel eru samtök kvenna sem tengjast núverandi eða fyrrverandi Rótarý félögum, núverandi eða fyrrverandi Inner Wheel félögum, sem og kvenna sem boðist hefur að gerast félagar í Inner Wheel klúbbi. Samtökin eru með allra stærstu sjálfboðaliðasamtökum kvenna á heimsvísu, eru með starfsemi í 104 löndum og innihalda yfir 108614 félagskonur í 3979 klúbbum.

Markmið samtakanna

Að auka sanna vináttu

Að efla mannleg samskipti

Að auka alþjóðlegan skilning

Hver sú kona sem samsamar sig við þessi þrjú megin markið Inner Wheel samtakanna getur gengið í hreyfinguna. Félagar ná þessum markmiðum með þátttöku í klúbbastarfi, sem felur í sér stjórnarstörf, fjáraflanir, samveru og gleði, í bland við vináttu og sameiginlegt markmið um að þjóna nærsamfélaginu. Félagar veita verklega aðstoð sem og fjárhagslega hvenær sem áföll bresta á, hvort sem það er í nærsamfélaginu, á landsvísu eða alþjóðlega, bæði vegna náttúruhamfara sem og fyrir fólk á stríðsþjáðum svæðum.

Einkunnarorð ársins 2021 - 2022

„Konur í fyrirrúmi“

International Inner Wheel velur á hverju ári nýtt verkefni sem jafnframt fær tákn og slagorð.
Slagorð núverandi tímabils er "Pink first."

Sex klúbbar á Íslandi

Félagar geta einnig sótt fundi hjá Inner Wheel klúbbi í hvaða landi sem er og geta gengið að því vísu að vera alls staðar velkomnir.

Inner Wheel Görðum
Inner Wheel Kópavogur
Inner Wheel Hafnarfjörður
Inner Wheel Selfoss
Inner Wheel Keflavík
Inner Wheel Reykjavík

Málefnin

Viðfangsefnin eru fjölbreytt og félagar hvers klúbbs ákveða sjálfir að hvaða málefnum þeir kjósa að vinna hverju sinni og með hvaða hætti.

Fréttir

  • Allt
  • Fréttir
  • Viðburðir
Allt
  • Allt
  • Fréttir
  • Viðburðir
Viðburðir

Evrópumót Inner Wheel (Rallý) í Berlín

Evrópumót Inner Wheel félaga og maka (gesta) verður haldið í Berlín 9.-11. september 2022. Skráning er þegar hafin og er þátttökugjald 60 Evrur óafturkræft.

Lesa Meira →
Viðburðir

Haustfundur IW umdæmis

Haustfundur stjórna klúbba og umdæmisstjórnar verður haldinn laugardaginn 30. október kl. 10 í Hraunbyrgi, skátaheimili Hraunbúa við Hjallabraut 5 í Hafnarfirði.

Þátttöku þarf að tilkynna til Guðlaugar á gullaasg@gmail.com í síðasta lagi fimmtudaginn 28. október.

Lesa Meira →
Fréttir

18. alheimsþingið – bréf til forseta og félaga

Kæru Innerwheel konur,
Ætlið þið ekki örugglega að taka þátt í alþjóðaráðstefnunni sem verður haldin í netheimum þann 17.-18. apríl næstkomandi á Indlandi.
Þetta er í fyrsta sinn sem svona stór ráðstefna hefur verið haldið rafrænt og þar sem Indverjar eru mjög framarlega í tæknimálum og tölvulausnum er alveg öruggt að þetta verður spennandi.

Lesa Meira →
Fréttir

18. Alheimsþing IIW 17. – 18. apríl 2021

Næsta alheimsþing Inner Wheel hreyfingarinnar verður haldið í netheimum þann 17.-18. apríl næstkomandi í Indlandi. Þar sem stutt er til þessa viðburðar þá biðjum við félagskonur um að kynnar sér það sem er í boði.

Lesa Meira →
Fréttir

Bóluefnissjóður International Inner Wheel – Covid 19

Kærar þakkir fyrir góðan fund þann 10. janúar síðastliðinn þar sem ákveðið var að blása til sóknar og taka þátt í verkefni IIW Covid – 19 til fjáröflunar styrktarsjóðs fyrir bóluefni handa bágstöddum þjóðum.

Lesa Meira →
Fréttir

Alþjóðadagur IW-hreyfingarinnar 10. janúar

Við höfum haldið hátíðarfund á þessum degi undanfarin ár. Nú eru breyttir tímar en við ætlum samt að halda fund í fjar-fundarformi. Fundurinn verður á Zoom sunnudaginn 10. janúar kl.14-15.

Lesa Meira →

Inner Wheel eru alþjóðasamtök sem mynda hjólið í alþjóðamerki Rotary og eru hreyfingunni til styrktar.

Scroll to Top